Si Rita Avila ay nagtapos ng kursong B.S. Hotel and Restaurant Management sa Unibersidad ng Sto. Tomas. Kilala siya sa kanyang pagganap sa pelikula at telebisyon. Ginawaran siya ng parangal ng Asian TV Awards at Golden Screen Awards. Siya ang maybahay ng direktor sa telebisyon na si Erick (F.M.) Reyes. Siya ang ina ni Elia Jesu E. Reyes, ang kanilang minamahal na anak na nakapiling nila ng tatlong linggo at ngayo´y isa nang "anghel." Siya rin ay "ina" sa iba pang mga bata, sa mga alagang aso at pusa, at kina Mimay, Popoy at Pony. Ang una niyang aklat na inilimbag ng ST PAULS ay ang 8 Paraan ng Pakikidalamhati (8 Ways to Comfort with Grace).